╠█▓▒░╬░▒▓█╣ منتديات نادين اغناطيوس ╠█▓▒░╬░▒▓█╣

عزيزي الزائر يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتدى للمذيعة الغائبة الحاضرة نادين اغناطيوس/اسس 3 فبرار 2009
 
البوابةالرئيسيةالتسجيلدخول

شاطر | 
 

 شاب يروي قصته مع جن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نادين-سوريا

avatar

عدد الرسائل : 63

مُساهمةموضوع: شاب يروي قصته مع جن   الخميس نوفمبر 05, 2009 10:14 pm

انا با قولكم قصتي مع الجن
انا يا اخواني كنا ساكنيني في بيت في حي العزيزية بجدة
والبيت ده الله يحفظكم كان مسكون
ونا كنت في سن الـ9_13
المهم انا كنت حاس انو البيت مسكون وفي شي
وكنت اخاف جدا لمن انام مع اخواني في الغرفة
المهم اول مشهد شاهدتو
صحيت من النوم باب غرفتنا قبال الحمام الي اشوف نور الحمام يعني الباب انا كنت داخل الغرفة بس يعني يبان نور الحمام


شفتو الباب ينفتح الي رحت اشوف لقيت الباب مفتوح شوية مررة يعني خط والي اشوف شي يتحرك بسرعة جدا من داخل الحمام فكيت الباب ما في شي
بس انا قلت كنت صغير اني صحيت عشان اطفي اللبة حقت الحمام كنت صغير ماني داري عن شي وامي كانت تقولي لا تخاف هدى توهمات تجيك
ونا كنت اصدق



المهم كنت دايمن اقول لي امي ابغا انام عندك في الغرفة من الخوف وهيا تخاصمني وتقولي لا
ونا كنت اخاااف بمعنى الكلمة وكنت اقولها اني اخاف بس هيا عشان تعودني اني انام لي وحدي
المهم ياشباب ارعب منظر شفتو في حياتي
وماني انسى الي دحين
صحيت من النوم حواي الساعة 1بلليل
خشيت الحماما كان غرفتنا مظلمة والباب قبال الحمام
المهم خشيت شخيت الله يكرمكم


جيت طالع حتى ليسا ما لبست السروال
الي اشوفلكم شي ابيض داخل غرفتنا كانها واحدة لابسة شرشف ابيض فاردتو وتطالع فيا بس وجهها مو باين مررة ونا ليسا ما لبست السروال
الي تختفي وتطلع تختفي وتطلع الي انا قلت انا اتوهم (زي ما قالتلي امي )
فركت عيني زيين
وليسا موجود الي مسكت الباب غرفت امي وخشيت ونا ليسا ما لبست السروال من الخوف
ورحت عند امي ونمت بس انا لمن خيشت غرفة امي راح الخوف مني ومنت عادي


وصحيت الصباح وقلت لي اهلي عن القصة واستغربو عن الي صار بس شكلهم ما صدقوني.
.
.

وفي يوم رحت المطبخ ابغا اكل ونا كنت خايف اروح المطبخ الي رحت فكيت القدر الي طالعت ورايا
على الباب واشوف شي طويل ابيض على جمب الباب من برا اول ما طالعت اختفى
ومافي الي جري على الصالة اخبر امي الله يحفظها .
هدى انا شفتو شخصيا .


بس الي شاف اكثر مني الشغالة الي يعينها كانت تنام في جهة واحنا من الجهه الثانية من الشقة
المهم
تقولي كانت نايم صحيت لقت وحدة نايمه جمبها يعني فوق الكنبة الي جمبها
والشغالة حسبتها عمتي وكملت نوم
ومرة تقولي صحيت من النوم وراحت المطبخ الي تقولي شافت وحدة قاعدة على الكرسي وقاعدة تدخن
وبرضو حسبتها عمتي راحت شربت موية ورجهعت كملت نوم
هدى بل النسبة للشغالة


اما بل نسبلة لي اختي تقولي كانت نايمة في غرفتها صحيت كانت الغرفة ظلام
الي تشوف اخي الصغير قاعد يمشي وملابسو مقطعة
بس والله ماني فاكر الباقي وبرضو قالتلي انها شافت شي طويل ابيض زي الي شفتو انا
الله يحفظ الجميع اخواني اعضاء المنتدى


دحين نروح لي امي
تقولي كانت قاعدة في البلكونة مع خالتي وسمعت ابوي يناديها الي راحت لي ابوي طلع نايم في سابع نومة مو داري على السالفة ......
الله يحفظكم اعضاء المنتدى
والحمد لله نقلنا من البيت


دحين انا عمري 19
ايش الصار معاية ونصيحة لكل اعضاء المنتدى
والله لولا اني انتبهت ورجعت عن الشي الي اتلقفت في لاكان صارتلي مصيبة
المهم
جتني فترة في النت كنت ادور على كتاب(شمس المعارف)
االله يحفظكم هدى كتاب عن السحر
المهم دورت الي حصلت
مكتوب (صفحة من كتاب شمس المعارف)
فكيت اتخيلو انا بس طالعت في الكلام ماقريت بصوت عالي يعني بعيني بس


حوالي دقيقتين المهم الرموز ما كانت باين بس بخلال الثواني الي كنت اطالع فيها بدأت تبان
الي طالعت بسرعةة واتعوذت من الشياطن وفي كلمة في بالي الي دحين ماني قادر انساها اخاف تكون اسمم جني ويطلعلي يحسبني انادي الله يعيني .
..المهم ايش الصار بعدها
حلمت شفت حلم (سوري ماباقولكم ايش الحلم) بس قريت في تفسير كتاب تفسير الاحلام
انو الحلم ده يدل على السحر والشعوذة.
وخفت خوووووووووووووووف



وبعدها صرت ما اقرب شي اسمو جن ولا افكر حتى
من بعدها يعني في نفس الاسبوع بعد ما انسحبت .
كنت طالع من غرفت النوم الي اسمع صوت وحدة تبكي
الصوت باين بس مدري من وين الي قلت بسم الله وعرفت اني انسحبت في الوقت المناسب
.انا قلت الي تبيكي دي كانت تبكي عشاني انسحبت ومدري بس غريبة هدى الي جا على بالي
وبرضو جت اشياء على بالي الله كلها من الشيطان الله يلعنو
..
اعضاء المنتدى الجن وعالم الجن يثير فضول الانسان هدى حقيقة لا تخفا
وكمان الشيطان يثير فضولك بزيادة يعني يخليك تخش في الاشياء دي عشان يوقعك فيها
الخ الخ


اعضاء المنتدى انا انصحكم اي واحد لا يفكر يقرب شي عن الجن حتى من النت
في ناس صارتلهم مصايب من الاشياء دي
انا مو قصدي يعني لا تقرو قصص القصص تاخذو العبرة منها وكيد

يعني لا حد يفكر انو يسوي نفس الغلط الي سويتو

وهدى قصتي مع الجن واصلا ترى هما عالم واحنى عالم الي يحاول يدخل العالم الثاني يندم اشر ندم
وشكرا





.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zeina

avatar

عدد الرسائل : 105

مُساهمةموضوع: رد: شاب يروي قصته مع جن   الأحد نوفمبر 08, 2009 1:00 pm

الله يحفظ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شاب يروي قصته مع جن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
╠█▓▒░╬░▒▓█╣ منتديات نادين اغناطيوس ╠█▓▒░╬░▒▓█╣ :: الفئة الأولى :: فئة الاعضاء :: فئة المواهب :: منتدى العام-
انتقل الى: